తోడేది అమృతమే ఐనప్పుడు,

విషసర్పాలుకుడా ..తాళ్ళుగా ఉపయోగపడును .

                                                                    ----బండారుదానయ్యకవి.

బట్టలు లేని బొమ్మల్లోకుడా ..

భగవంతున్నివెతకగలవా ? ఐతే .. ఆత్మను వెతకగలవు .

                                                            -----బండారు దానయ్యకవి.

తనుమాత్రమే సంతోషంగా ఉంటేచాలు అనుకునే తత్వం,

సంతోషాన్నినటిస్తూ బ్రతకాల్సిందే.

                                                 ----బండారు దానయ్యకవి.

దుర్వినియోగం చేయడమంటే, ద్రోహం చేయడమే .

దుర్వినియోగం చేసుకోవడం అమాయకత్వం .

                              -----బండారు దానయ్యకవి.

అనుభవం ఎనలేని సంపద .చూసి ఖర్చుచేయాలి.

                                                                  -----బండారు దానయ్యకవి.

వక్రబుద్ధి వాళ్ళను అపార్ధం చేసుకోకు 

అడ్డదారుల్లోకి వెళ్ళకుండా కాపాడేది వాళ్ళే.

                                                    -----బండారు దానయ్యకవి.

మనం కోతుల సంతతి కనుకే ...

నీతులు ఎప్పుడూ అవసరం.

                                       ---బండారు దానయ్యకవి.

చెప్పాలనుకున్న విషయం... చెట్లకు,గట్లకు,చెప్పొచ్చు

ఆ చెప్పేదేదో వాటి హృదయాలకి చెప్పాలి.

                                                               ----బండారు దానయ్యకవి.

ఏ ఒక్కరూ అనాధలుకారు......::ఇదో ఎమోషన్ .

అందరూ అనాధాలే .....::ఇదో వేదాంతం.

                                                     -----బండారు దానయ్యకవి.

డబ్బులు  బాగా సంపాదించారురో ...! 

బాగానేవుంది, సహజసిద్ధమైన విలువలను వొలవల మాదిరి వదిలేసారురో ..!

బాగూలేదు.

                                                            -----బండారు దానయ్యకవి. 

కట్టింది చాలు కూల్చేద్దామ్ రండీ సంకర్ణజాతి సంస్కృతిని .

                                                          ----బండారు దానయ్యకవి.

మీడియా ..అదుపు తప్పడమే కాదు

హద్దులుకుడా దాటుతుంది.
మీడియాను గౌరవించే వాళ్ళకు మాత్రమే
ఈసంగతి తెలిసేది.

                                                                             -----బండారు దానయ్యకవి.

సెక్స్ కోరికలను తీర్చుకోవడం కోసమే ఐతే, పెళ్ళిచేసుకోవడం ఎందుకు ?

అందుకువేరే దారులున్నకా ..!

                                                          ----బండారు దానయ్యకవి.

బ్రహ్మదేవుడు :  గాంధీ గారు, మీరు మళ్లీ గాంధీగానే పుట్టబోతున్నారు.

గాంధీ గారు : భారతదేశంలోమాత్రం వద్దు సర్ .

బ్రహ్మ : ఏ, ఎందుకు సర్ ? 

గాంధీ గారు: అహింసా వాదంతో అవినీతిని అంతముచేయలేముగా సర్.

                                                    ---బండారు దానయ్యకవి.

  

జంతువులు మనుషులవలె మసలలేవు. మనుషులు మాత్రం 

 సునాయాసంగా జంతువులనే మరిపించగలరు.

                                                            ---బండారు దానయ్యకవి.

పరిపక్వతకు కొలమానం.? పక్కవాడికి హానిచేయకపోవడమే.కొందరిలో పరిపక్వతను ఎప్పటికీ చూడలేము.

                                        ---బండారు దానయ్యకవి.

    

రాజకీయ నాయకులూ వర్ధిల్లుతున్నపుడే.. రాజనీతి అడుగంటుతుంది.             అంటే? ప్రస్తుత పరిస్తితుల్లగాన్నమాట.

                                                   -----బండారు దానయ్యకవి.

                                                                                                                                                                                                                         

చెప్పులదండను మెడలో వేసుకోవడం...

అనే ఆలోచనకూడా, ఓ ఆలోచనే .  కాకపోతే పిచ్చిఆలోచన .      


                    

                                                                 ---బండారు దానయ్యకవి.

ప్రేమను

పరిచయం

చేసేదేవరోకాదు...   దేవుడే .     

                                              ----బండారు దానయ్యకవి.                                                                                                                                                   

మనసు అనే మాటకు రూపాలు రెండేరెండు. ఒకటి..చీసేపని, రెండు..      ప్రతిఫల వాంఛ.                                                                                                                                                                                                                                                      ----బండారు దానయ్యకవి.                                                                                                       

పగతో రగిలిపోయే వారంతా పామరులే.నాటి ప్రజలదృష్టిలో ..పగతో రగిలిపోయే వారంతా మేధావులే .నేటి ప్రజల దృష్టిలో.                                                                                                                                                                                                                         ---బండారు దానయ్యకవి.

పోలీసులను చూసాము ,లాయర్లనూ ..చూసాము,

డాక్టర్లను చూసాము , ఇలా ..ఇలా ..చాలానే చూసాము .ఇక ఇప్పుడు మీడియానుచూస్తున్నాము .                                                                                                                                                                                                                               ---బండారు దానయ్యకవి.

                                                                                                                                                                                                                                                                                                                                                                                                                                                                                                                                                                                                                      

స్వతంత్రం  సహజసిద్ధంగా వచ్చందని అనుకునే వాళ్ళతోనే ప్రజాస్వామ్యానికి పనుముప్పు . .....................                                                                                             బహుశా అది నేటి నాయకులే .                                                                                                                        ----బండారు దానయ్యకవి.                         

                                                                                                                   ప్రసాదం చేదుగా ఉటుందా ? ఉoడదనే చెబుతాం .                                          ఆ గొప్పతనం ఆ పదార్ధనిదికాదు సుమా..                                            ప్రసాదం మీద భక్తుడికి వుండే భావానది .

                                                           ----బండారు దానయ్యకవి. 

                                                                                                                                                                                         సామాన్యులకు పోలీసుల మీద గురిలేదు .                                                      పొలీసులకు సామాన్యుల గురితో పనీలేదు . ఐనా..                                         జీవితంలో ఎక్కువగా కలిసే  కొనసాగుతూవుంటారు.

                                                     ----బండారు దానయ్యకవి. 

అబద్దాలు కూడా అనేకసార్లు                                                                  నిజం ముసుగులో వుండి నిజాలవలే కనిపించినా . ! నిజాలమీదమనుషులకువుండే నమ్మకం ములాన్నే .                                                                            ----బండారు దానయ్యకవి.

పక్క వాడిమీద అసూయ .. పక్కింటి వాడిమీద అసూయా.. పరదేశిమీద .. అసూయా.. ప్రశాంతంగా ఎలా జీవించగలం.. ?                                                                                                       --------బండారు దానయ్యకవి. 

                                                                                                      పట్టుపురుగు తను అల్లుకున్న వలలోనే తను అంతమైపోవునట్టు...ఫ్యాక్షనిస్టులు                                              పలుమార్లు రుజువుచేస్తున్నారు.                                                        ఐనప్పటికీ పట్టుపురుగును ఉదహరించడమే పట్టలేని బాధ .

                                 





























                                                  ---------బండారుదానయ్యకవి.

బంధాలు ఆత్మానందాన్ని ఇచ్చినట్టు  కనబడినా...  అల్ఫానందాన్ని మాత్రమే ఇవ్వగలవు .                                                                                                                             ---బండారు దానయ్యకవి. 

అవి మాత్రమే ఎగరగలుగుతున్నందుకు  ఆనంద పడునా..?                 పక్షిజాతి. స్తిరత్వం లేనందుకు  బాధపడునా .?                                                                                                             ---బండారు దానయ్యకవి.                           

దట్టమైన అడవిలో ...                                                                          పిల్లదారే ..రహదారి  . 








                                           ---బండారు దానయ్యకవి.

 తొక్కతీసితినే పండున్నట్టే..తొక్కతోపాటే తినే పండుంటుoది. ఇక్కడ మనుషులు కూడా అంతే ...చూసి తినగలిగే సత్తా..!                                           తినగలిగేసత్తా నికుండాలి.   






                                                                                                                                                                                                                                   ---బండారు దానయ్యకవి.       

గోప్పలకోసం ..చేసేపని .. నీకోసం కాదని తెలుసుకో నీకోసం కానిదేదీ కూడా సాటి వారికీ హాని చేస్తుంది .                   








                                                            ----బండారు దానయ్యకవి.

భర్త ; అదేపనిగా  ఆ  అలకేంటి  ...?

భార్య ;గెలుపుకు అలవాటుపడి .      










                                                  --బండారు దానయ్యకవి.

  పండితులు పాండిత్యాన్ని కాపాడేవాళ్ళు..మాత్రమే .                                         సృష్టించేది మాత్రం కవులే . 

                                                           ---బండారు దానయ్యకవి.

                                         పేగు బంధాలు
                                      ---------------------

రోజూలాగే..ఆ రోజుకూడా సూర్యుడు వెళ్ళిపోయాడు.

చంద్రుడు వచ్చాడో,వస్తాడో...?

ఆ ధ్యాసేలేదు.
ధ్యాసంతా ఇంకా..ఇల్లు చేరని అమ్మ...నాన్నల మీదే.
అమ్మ...నాన్నల కోసం ఎదురు చూస్తూ..ఎదురు చూస్తూ...

ఓ తమ్ముడు,ఓ చెల్లి,ఓ అన్న.
---------------------------------

ఇరుగు పొరుగు ఇళ్ళలోనుండి వాకిళ్లలోకి విసురుగా వచ్చిపడుతూ..ఎగతాళి చేస్తున్న 
ఎంగిలి కంచాల నీళ్లు.
కడుపులో ఆకలిలాగే కట్టలు తెంచుకుంటున్న కారుమబ్బు-

హోరునా ఏడవడం మొదలుపెట్టింది.

అమ్మకొంగులాగా...

నాన్నపంచె లాగా...

చిల్లులుపడిన ఇంటిపైకప్పు.
ఇల్లు కారడం...

తమ్ముడు,చెల్లి,ఓ మూలన చేరడం.

హెచ్చుతున్న...వానదేవుడి కోపం.

తగ్గుతున్నతాడువత్తి దీపం.

అమ్మ...నాన్నలే..ఎలా వస్తున్నారో పాపం.
-----------------------------------------------
తలుపు రంధ్రాల్లోనుండి తన్నుకోస్తున్నమెరుపులు,                               శాంతించని ఉరుముదేవుడి అరుపులు..

అ మెరుపులకు...ఆ అరుపులకు...
పోటీపడుతున్నపెనుగాలి.
ఆ సమయంలో ఆ పసిమనసులను పలకరిస్తున్నది-
ప్రళయాన్నితలపిస్తున్నఆ ప్రకృతి...
--------------------------------------
అంత అలజడిలోకుడా ..!

అలవాటు పడిన ఆ చెవులకు మాత్రమే..వినిపిస్తుంది,ఏదోశభ్ధం.

ఆశ...ఆనందగామారి ఆనందం...ధైర్యంతోచేరి-
పందిట్లోకివచ్చి చూడగా...!

అంతపెద్ద హోరు వానను కూడా లెక్కచేయక ఒకే ఒక్క ఆరాటంతో అడుగులు వేస్తూ వస్తున్నది..! ఆ..అమ్మ...నాన్నలే...

వాళ్లు మోసుకొస్తున్న ఆ కొంగు మూటలను చూస్తే..?
------------------------------------------------------------

పిల్లపక్షులకు ఆహారాన్నినోట్లో దాచితెచ్చే...తల్లి పక్షులు కూడా...
ఈ తల్లిదండ్రుల ముందు వెలవెల పోవాల్సిందే.
-------------------------------------------------------------------------------

అయ్యా...అయ్యా...అంటూ ఆ అమ్మ...నాన్నలు సమీపిస్తున్నారు,

అన్నా...అన్నా...అంటూ ఆ తమ్ముడూ చెల్లి సందేహిస్తున్నారు.

ఆ అమ్మ...నాన్నలకు అయ్యను నేనే.

ఆ తమ్ముడు చెల్లికి అన్ననూ...నేనే,నేనే..
----------------------------------------

ఆ బిడ్డలు...ఆ తల్లిదండ్రులు తడిసిముద్దైన...ఆ క్షణం,
----------------------------------------

కన్నవాళ్ల కడుపు ఆకలికి...!
కడుపున పుట్టిన బిడ్డల బొడ్డు కేకలకి...!  
సాక్షిగా నిలిచింది...ఆ క్షణం.
------------------------
అచ్చోట అచ్చోట...మమకారం అనే పదం మళ్లీ జన్మించింది.
అప్పటిదాకా ప్రళయాన్నిమరిపించిన ప్రకృతి... 
ఆ బంధాన్నిచూసి..

శాంతించడమే కాదు సహకరించింది కూడా.   

ఆ రోజు మా అందరినీ తడిపేసిన ఆ రాత్రి...

ఈ రోజు ఈ రాత్రి ఇలా...నా కళ్ళముందు కదలాడగా...!
------------------------------------------------------------

ఆ తడికి పొడిబారిన నా స్వరపేటిక,చూపు మందగించిన నా కళ్ళు,

బరువెక్కిన నా గుండె... 

ఎలా...? కుదుటపడేది..!

అమ్మతో పంచుకోవాలా... 

అమ్మ ఎప్పుడో వెళ్ళిపోయింది.
----------------------------

నాన్నతో పంచుకోవాలా... 

ఆ జ్ఞాపకాల్లోకి నాన్నను నేట్టేయడం నాకిష్టంలేదు.

తమ్ముడు,చెల్లి...?

వాళ్లకు అంతగా గుర్తులేని ఆ విషయాన్ని... 

గుర్తుచేయడం ఎందుకు..?
 ...................... 

నా భార్యాపిల్లలతో పంచుకుందామంటే ..

నన్నుతప్పా...

నా బాల్యాన్నివాళ్లకు పరిచయం చేయడం....? హాయిగా నిద్రపోతన్న- వాళ్లను...!

నిద్రలేపి మరీ...ఆ...హా,,,

.......................................
మరి...హితులు...!

ఈ రాత్రి సమయంలో హితులనెలా ఇబ్బంది పెట్టడం...?

------------------------------------------------------------------------------

ఉక్కిరి బిక్కిరిగా...

దిక్కులు చూస్తున్ననన్ను...

ఎవరోఒకరు గమనిస్తున్నారని నామనసు నాకు చెబుతుండగా-
-----------------------------------------------------------------

అలా తలెత్తి చూసా..!

మెడలో దండతోపాటు గోడకు వేలాడుతున్నఅమ్మ...
అమ్మ
నన్నే చూస్తుంది,

ఎంతసేపటి నుండి చూస్తుందో ఏమో..!
-------------------------------------------

అంతే...గుండెల్లో భారమంతా కళ్ళల్లోనుంచి ధారలుగా కారడం,

చేతిలోని కలంతో పాటు కాగితాలనూ తడపడం,
అలా తడిపేస్తుంటే...?

తరించడం గాకా మరేంటీ ?

అదే తడి అదే తడి.

ఆ నాటి ఆ తడి 

ఈ నాటికీ తడిగానే ఉందీ అంటే..

పేగు బంధాలలో ఉండే ప్రేమబంధం ఎంత గొప్పదో కదా ..!

అనిర్వచనీయమైన ఆ అనుభూతిని అనునిత్యము ఆరగిస్తున్న- 
నేను మాత్రం అదృష్టవంతున్ని. 
ఆ అదృష్టాన్నినాకిచ్చిన నా కుటుంబానికి
మరుజన్మలోకుడా బంధీనై ఉంటాను,బానిసనై ఉంటాను. 

                                                                  ---- బండారు దానయ్య కవి.

                                      

 

                                                                                

                                                  

సి,నా,రే, గారు ...

నవ కవిలోకానికి అర్జునుడనే చెప్పాలి .

ఓ చేతితో పుస్తకరచన చేస్తూ .. 

ఓ చీతితో సినీగీతాలురాస్తూ ..

జ్ఞానపిండమనిపించుకున్న 

తెలుగు దొడ్డ బిడ్డ .

                                                                        ----బండారు దానయ్య కవి.