పుష్పాలు తుమ్మెదలనే కోరుకుంటాయా.?

పూజలను కోరుకోవా.?

ప్రశ్నించడం మొదలుపెడితేగా..

జవాబులు మొలకెత్తేది.

                                                 ----బండారు దానయ్యకవి. 

రక్తికట్టింది రాచరికమేనా?

రాణిరికం కూడా..

                                                    -----బండారు దానయ్యకవి.

గాజుల సవ్వడిలో ఆడతనం ..

గాజుల సవ్వడిలో అమ్మతనం ..

గజ్జెల సవ్వడిలో అక్కతనం.. ఆ చక్కతనం.

భౌతికంగా..దూరమైనప్పుడు.

కనులు దిక్కులు చూస్తూంటాయి.

ఆ చూపుల్లో ఆ వర్ణన చాలా వివరంగా ఉన్నప్పటికీ..

ఆ చూపులకది శాపమే.

                                                ----బండారు దానయ్యకవి. 

ప్రాచీన కవులు,ప్రాచీన కళాకారులూ..

ప్రస్తుత కవులు ,ప్రస్తుత కళాకారులూ..

ఎప్పటికి ప్రచీనులవ్వరు.

అరువది నాలుగు కళలకు దక్కిన అరుదైన గౌరవం అదిమరి.

ప్రాచీనం.. ప్రస్తుతం.. అంటే ..?
హృదయంలో ఉన్నది.
కనులముందు ఉన్నది.

                                                                ------బండారు దానయ్యకవి. 

పచ్చగడ్డికి,ఎండుగడ్డికి...

రుచిలో..సుచిలో..పోలిక లేనప్పటికీ..

గడ్డి అనే ఆ వంటకంలో ఉన్నమధురం.మాటల్లో చెప్పలేనిదని.

మనుషులకుకూడా తెలుసు..

అప్పుడప్పుడు, నిత్యం..తింటారు కాబట్టి.

                                                               ----బండారు దానయ్యకవి.

నాకు,నామనసుకు మధ్య దూరముంది.
ఆ దూరం పగలుకు..పట్టపగలుకు ఉన్నంత దూరం.
నాకు,నాదేహానికి మధ్య దూరముంది.
ఆ దూరం రాత్రికి..నడిరాత్రికి ఉన్నంత దూరం.










                                                         ------బండారు దానయ్యకవి...

                                                           

మానం కన్నా ..ప్రాణం విలువైనది కాదని..

ఆంగ్లేయులు తెలుసుకుంది.

భారత స్త్రీలను చూసాక మాత్రమే.

                                    -----బండారు దానయ్యకవి.

మరుగుతుంది,మనుషుల నెత్తురు కాదు.

ఆదివారం వచ్చిందంటే..?

ఆ పొయ్యి మీద,ఈ పొయ్యిమీద..వాటి నెత్తురు కాకపోతే మననెత్తురా?

                                                         ----బండారు దానయ్యకవి. 

నాడు పాచికలేసింది ఒక్కడే.

నేడు పచికలేస్తుంది.

పదులా..

వందలా..

వేలా..లక్షలా..కోటానుకోట్లా..మిలియన్లా...............................

ఇన్నిపాచికలమధ్య రధసారధి లేని రాంబంటులు సామాన్యులు.

                                                          -----బండారు దానయ్యకవి.

పంచుకోడానికి ఏం మిగిలింది.?

పంచడానికి మాత్రం మిగిలింది.

డబ్బు మొహం.

రోగాల దేహం..

                                                -----బండారు దానయ్యకవి. 

మోహం అనే సముద్రంలో వేగంగా ఈదుతున్నాను.

లోతుకు వెళ్ళాను.

ఆ తెప్పతేలిపోయింది.

సముద్రమే ఎత్తి ఒడ్డునపడేసింది.

నాకు ఆందరూ కనబడుతున్నారు.

నేనే ఎవ్వరికీ కనబడుటలేదు.

ఏదో ఓ కార్యం జరుగుతుంది.

బహుశా అది నా సంతాప సభ కాబోలు.

                                                                ----బండారు దానయ్యకవి. 

సగటుమనిషి వెనకాల సైన్స్ పడలేదు.

సైన్స్ అడుగుజాడల్లో సగటుమనిషి నడవలేదు.

అనువైన సమయం సందర్భం అనుకున్నారేమో...

స్వమీజీలు పుట్టుకొచ్చారు.

                                                         -----బండారు దానయ్యకవి. 

prema

ప్రేమలేఖలెన్నో రాసా..
ఆ లేఖల్లోనాప్రేమంతా రాసా.
నీతిగా.. నిజాయితీగా.
ఐనా నాప్రేయసి మనసు కరగలేదు.
అన్నీజరిగిపోయాక..
అనుభవం పెరిగాక అప్పుడర్ధమైంది.
ఆ ప్రేమలేఖల్లో అబద్ధాలు రాయలేదని.
























                                                           ------బండారు దానయ్యకవి.

చెట్టు,పుట్ట..

రాయి,రప్ప..

భయం ఎరగవు.

బాధలూ ఎరగవు.

వాటికీ మనసులేకో..

మమతలు తెలియకో కాదు.

మహాజ్ఞానం వాటిసొంతం కాబట్టి.

                                           ------బండారు దానయ్యకవి.

తమ్ముడికి అన్న..

అన్నకు తమ్ముడు..

అక్కకు చిల్లి..

చెల్లికి అక్క..

ఈ అనుబంధాలన్నీ,ముందు ముందు...

జ్ఞాపకాలు మాత్రమే.

వయసొచ్చి ..ఓ ఇంటివారయ్యాక..

జీవితాలు వేరుకాబట్టి.

                                                     -----బండారు దానయ్యకవి.

అమ్మకోసం ఎన్నోసార్లు ఏడవాలనిపించింది.

ఏడ్చానుకూడా..

అమ్మప్రేమ కోసం ఎప్పుడూ ఎడవాలనిపించలేదు.

ఏడవలేదుకూడా..

అమ్మ అమ్మప్రేమ ఈ రెండూ వేరువేరుకాదు కాబోలు.

                                                      ------బండారు దానయ్యకవి.

కధలు ఎలాగైనా రాయొచ్చని... ద్రౌపది పాత్ర చెబుతుంటే.

కర్ణుడి పాత్ర పోటీపడుతుంది.

                                            -----బండారు దానయ్యకవి. 

లేడి వేటలో చాస్తుందో లేదో గానీ..

పులి మాత్రం వేటాడుతూనే చస్తుంది.

                         

                                                -----బండారు దానయ్యకవి.

తాళికడితే పెళ్ళని...

ఆ తాళిని తెంచేస్తే విడాకులని..

చెప్పిన పెద్దలు వెళ్ళిపోయారు.

ఆ మాటలను నమ్మిన వీళ్ళు అమలుచేస్తున్నారు.

నిజానిజాలు ..?మనుషులకు వదిలేసే కన్నా హృదయాలకు వదిలేస్తే..

మంచిది.

                                                              ----బండారు దానయ్యకవి. 

ఎన్ని యుగాలు అంతమైనా..

పేద యుగం అంతమవ్వదని..

చరిత్రలు చెబుతున్నాయి.

                                              -----బండారు దానయ్యకవి.

చేక్కిలిగిలి పెట్టినా..

చెవులు పిండినా..

కన్నీరే వస్తుంది ..

ప్రభుత్వాలు పథకాలు ప్రకటించినప్పుడు మాదిరి.

అదే..ప్రభుత్వాలు పన్నులు విధిస్తూ..ధరలను పెంచినప్పుడు మాదిరి.

                                           -----బండారు దానయ్యకవి.

ఎన్నో... గొప్పకట్టడాలను చూచి మురిసి పోతున్నాం.

ఎందుకు ఆ మురిపం.?

కట్టడాలను చూసా..?

కట్టడాలు వున్నఊర్లను..

కట్టించిన వాళ్ళ పేర్లను..చూసా.?

కూలీల ప్రాణాలు పునాదుల్లో..అవి ఎవ్వరికీ కనిపించవు కదా.!

బహుశా ఇందుకై వుంటుంది.

                                            -----బండారు దానయ్యకవి.

రాముడు,రాక్షసుడు..

పావనం,పైశాచికం..

స్వర్గం,నరకం..

మోక్షం,మరుజన్మ..

మనమధ్యేవున్న విభాగాలు.

                                                   -----బండారు దానయ్యకవి.

అధిక అల్ప సుఖాలకు కారణం..

అడ్డదిడ్డమైన సంపాదనే.

                                                  ----బండారు దానయ్యకవి.

బాగా బలిసిన వాళ్ళ పుణ్యమా అని ...

సహజీవనం అను సంకనాకుడువచ్చి,

సంసారం సంతలోకి వచ్చి పడింది.

                                                  ----బండారు దానయ్యకవి.

డబ్బులు ..డబ్బులు ..

డబ్బులు సంపాదిస్తే..చాలా..?

ధాన్యమెక్కడనుండి తెస్తావు బాసు .?

                                                         ----బండారు దానయ్యకవి.

అందానికి..ముస్తాబుచేస్తే..

అది, ఆడదైపోతుందని...

అనుకునే వాళ్లకు తెలియని విషయం ఒకటుంది.

అమ్మోరికి ముస్తాబు చేస్తే ఆడదవుతుందని

                                                            

                                                        ---బండారు దానయ్యకవి.

చేతివాటం..

వంశంలోకి వలసవచ్చి ...

త్వరలోనే ఇంటిపేరుగా మారబోతుంది.

అందుకు గర్వంగానే ఉంది.సుమా..

                                                    -----బండారు దానయ్యకవి.

రంకు జరుగుతుంది ..

ముండల కొంపల్లో కాదోయ్..

ముండాకొడుకుల కార్లల్లో..

                                            -----బండారు దానయ్యకవి.

పట్టుదలకు అర్ధం మారింది.

పట్టుదల పరీక్షలకే పరిమితమైంది.

ఇందు మూలంగా ...

తల్లి భారతి తలపట్టుకునే దుస్తితి వచ్చి పడింది.

                                               ------బండారు దానయ్యకవి. 

కోడిని హత్య చేసారని..గానీ..
మేకని హత్య చేసారని ..గానీ ..
కోర్టు కెళ్ళిన ఫిర్యాదు ..?
దాన్ని బలపరచిన న్యాయదేవత..?
ఏ ఒక్కరి కైనా కనబడిన సందర్భం...?












                                                          -----బండారు దానయ్యకవి.

జాలిపడేది మనలను చూసా...?

మన చేతలను చూసా...!

ఇక్కడే మన బరువెంతో మనకంటే.. మనపక్కవాళ్ళకే ఎక్కువ తెలుస్తుంది.

                                                       ----బండారు దానయ్యకవి.

తెలుపు చర్మం..

నలుపు చర్మం..

తయారీ మనచేతుల్లో లేకపోయినా..

తేడాలు చూపగలం.

అదిమాత్రమే మనచేతయ్యేది.

                                                    ----బండారు దానయ్యకవి. 

స్నేహితులల్లో దాగివుండే స్నేహం..

అవకాశ వాదంగా మారడానికి..

కారణం.?

ఆ మధ్యలోకి వచ్చిచేరే మూడో పదార్ధం.

                                                   ------బండారు దానయ్యకవి.

పక్షులు ఎగర గలుగుతున్నాయి అంటే..

రెక్కలు,కాళ్ళు,తోక,వాటి శరీరాకృతిలో వుండే సౌలభ్యం...

అంతే కాదు..అనువైన వాతావరణం.  

కీర్తి మాత్రం రెండు రెక్కలకే.

ఇలాంటి అపకీర్తులు అనేకం.

                                                   -----బండారు దానయ్యకవి.

రసలీలల్లో...బూతు ఉన్నప్పటికీ ...

బూతులో రాసలీల వుండదు కాబట్టే..

బూతు బూతుగానే మిగిలిపోయింది.

బురదలో బంగారం పండిస్తాడని...రైతుకు పేరు.

బంగారంలాంటి హోదా బురదను తినేల చేస్తుందని...

హోదాకు పేరు.

ఐనా..హోదానే కోరుకుంటూ..

రైతును విస్మరిస్తాము.

కుక్కతోక వంకర అంటే ఇదే..

                                           -----బండారు దానయ్యకవి.

మచ్చిక చేయడం మగాడి కన్నా 

మగువకే బాగా తెలుసు...

ఇనా..కూడా.. ఆలోచిస్తుంది.

అదీ మగువ గొప్పతనం.

                                                         ------బండారు దానయ్యకవి.

మనం మన కన్నబిడ్డలను ఎలా ..

ప్రేమించాలి అంటే .?

సంతతి గల జంతువులను పరిశీలిస్తే సరి.

                                                 -----బండారు దానయ్యకవి.

రికమండేషన్..చేయడం..దాన్ని అమలుచేయడం.

ఈ రెండూ..దిగజారుడు తనమే.

ఇప్పటికి..దిగజారుడు తనానికి దూరంగా ఉన్న.. ఉన్నతాధికారులు ఎంతమంది.

                                                ----బండారు దానయ్యకవి. 

ఎన్నో చరిత్రలు,ఎన్నో ఘనతలు.... అంటే ..?

ఎన్నో మరణాలన్నమాట.

మట్టిలో పుట్టిందే...

మట్టిలో కలిసేదే...

మట్టినే వెక్కిరిస్తుంది.

అదే మానవ శరీరం.

                                                         -----బండారు దానయ్యకవి.

మందులు కనిపెట్టే లోపు..

మరో విపత్తు రాబోతుంది.

వస్తుంది.

విపత్తు వచ్చేది,రానిది..చెప్పేది.మనందరి కర్మఫలమే.

                                              ----బండారు దానయ్యకవి.

అరవడం,కరవడం..

విచ్చలవిడిగా తిరగడం.

పగా,ప్రతీకారం.

హద్దులేక..ఆచారంలేక..

మనుషులకన్నానా.

మృగాలు...?

                                                          ----బండారు దానయ్యకవి.

కోరలే కొమ్ములు,కొమ్ములే కోరలు..

ప్రాణం తియ్యాలనుకున్నప్పుడు.

మాటలే మంత్రాలూ,మనుషులే దేవుళ్లు..

ప్రాణం పోయ్యాలనుకున్నప్పుడు.

                                                   -----బండారు దానయ్యకవి. 

ముహూర్తం పెట్టుకుని..పిల్లల్ని కంటున్నామంటే?

అంతకన్నా..అనర్ధమేముంది.

                                               ----బండారు దానయ్యకవి.

నిర్లక్ష్యం నీడలోనే...

నిత్యం గడుస్తుంది.

                                             ----బండారు దానయ్యకవి.

దేవుడిమీద ఒట్టు..

దేవతమీద ఒట్టు.

ఒట్టుమీదే నమ్మకం.

                                      ----బండారు దానయ్యకవి.

శాంతమొక్కటే..

గెలుపొందగల యుద్ధం.

                                   -----బండారు దానయ్యకవి.

మితం,మితం ...
ఈ మాటలో హితం మాత్రమే వుంది .
అందుకే కాబోలు..ఈ మాట ఆచరణలో లేకుండా పోతుంది.












                                                      ---బండారు దానయ్యకవి

ఊడలే ఊగలని కోరుకో ...

చెట్టు కూడా ఊగలనికోరుకోకు.

                                               ----బండారు దానయ్యకవి. 

ఇటుపక్కన పంతం నెగ్గిందీ అంటే..?

అటు పక్కన ప్రేమ వుందని అర్ధం.

                                                  ----బండారు దానయ్యకవి.